PHILETAS

I.

PHILETAS

Grammaticus et Poeta elegiographus ex insula Co, Philippi et Alex. M. aetate floruit, praeceptor Ptolemaei Philadelphi. Scripsit Elegias et Epigrammata; an idem cum Phileta Hist orico? vide infra. Suis carminibus celebravit Battidem puellam, quam adamavit; fuisse fertur corpore adeo tenui, ut

necesse fuerit ei plumbum adhibere, ne ventorum flatu ra peretur. Aelian. l. 10. Var. Hist. c. 6. et Athenaus. Propert. l. 2. El. 34. v. 31.

Tu satius memorem Musis imitêre Philetam,

Et non inflati sommia Callimachi.

Idem l. 3. el. 1. v. 1.

Callimachi manes et Coi sacra Philetae,

In vestrum quaeso me sinite ire nemus.

Et El. 8. v. 43.

Inter Callimachi sat erit placuisse libellis,

Et cecinisse modis Coe poeta tuis.

Papinius in epithalamio Stellae et Violantillae, l. 1. Sylv. 2. v. 253.

—— Hunc ipse Ohorô plaudente Philetas,

Callimachusque senex Umbroque Propertius antre

Ambissent laudare diem. ——

Hinc Philetaeus. Propert. l. 3. El. 2. extr.

Ora Philetaeâ nostra rigavit aquâ.

Idem l. 4. El. 6. v. 3.

Cera Philetaeis certat Romana corymbis.

Nic. Lloydius.

II.

PHILETAS

Historicus. Α᾿ττικὰ tradidit literis, quae Athenaeus citat l. 11. Item Α῎τακτα, sive Indgesta, quorum idem meminit l. 3. 11. 14. Ex eodem ad Hermen citat historiam Parthenius, in Eroticis. Meminit et Stephanus in Ι῎χναι et Φλιοῦς, et Etymologus, in Α᾿ῶος et alibi. Sitne hic idem cum priore Coo, vide Voss. de Hist. Grac. l. 3. p. 401. et c. 7. de Poit. Grac. Idem Lloyd.